Bang Media

Urwego News

Video z'Urwenya

Imyororokere

Uburyo wasubirana n’umukunzi wawe nyuma yo gutandukana

Intambwe ya mbere:Reka kumwereka ko umukeneye cyane cyangwa ko ubayeho nabi kuko adahari

Ikintu cya mbere ugomba gukora ni ukugaragaza ibitandukanye n’ibyo urimo gutekereza, cyangwa wifuza ko biba: Reka kumwereka ko wifuza ko agaruka!

Yego birasa naho bitumvikana cyangwa ko ari nko kwivuguruza, ariko ndakubwiza ukuri , uko urushaho kumugarura, ni ko nawe arushaho kuguhunga.

Aha reka nguhe urugero rusekeje ariko bijyanye: Fata uwo mwakundanaga nk’aho ari injangwe nayo itagukunda. Tekereza nawe, ese iyo urimo gushaka gufata injangwe ushaka ko mukina kandi n’ubundi yari isanzwe itagukunda, ibigenza ite? Irakomeza ikaguhunga, noneho ikanajya kure aho utazongera kuyibona no kuyisagarira! Ni kimwe n’iyo warakaranyije n’umukunzi, mu bintu aba yifuza icya mbere ni ukutakubona muri iiyo minsi akikurakariye.

Iyo ubyihoreye, ukigira mu byawe, ya njangwe igeraho igasonza, igatangira kwiga imitwe yo kukwiyegereza, kandi amaherezo mukaba inshuti pe!

Ntibisobanutse ndetse binavugitse nabi, kugereranya injangwe n’abantu, ariko ndakubwiza ukuri ko ari uku bigenda iyo abakundanaga bashwanye cyangwa se banatandukanye.

Muri icyo gihe rero jya ukora nk’aho ntacyo wahombye kuba yaragusize, ujye umureka ajye muri gahunda ze, akore ibyo yifuza byose, nyuma azatangira kubona impamvu agukeneye, anakwifuza mu buzima bwe, azatangira noneho kujya abona ukuntu ubuzima bubishye udahari.

Mureke akore ibyo ashaka, ajye mu bandi bagabo/bagore, batembere, basangire…, amaherezo koko niba ari uwawe azabona ko icyo yaje akurikiye iwawe nta handi akibona akugarukire.

Icyo gihe kandi numureka akaba akora ibyo yishakira byose, nawe jya wigira muri gahunda zawe, we guhora umutegereje nta gahunda mufitanye y’igihe azagarukira.


Intambwe ya kabiri: Iyibutse ubuzima bwawe bwiza bwa mbere y’uko ukundana n’umukunzi wawe

Muri icyo gihe wari uri kumwe n’umukunzi wawe, hari byinshi wasize inyuma. Abantu benshi iyo bafite abo bakunda, ntibaba bifuza ko bagira ahandi bajya; nta zindi nshuti baba bumva bagendana, basangira, ari nabyo twaboye mu nkuru z’acu zatambutse z’uko urukundo ubundi rwakagobye kuba rutikubira.

Ese ko n’ubundi nawe ubwe ko wamuhaye amahoro, ukaba utakimuhamagara umubaza aho ari n’ibyo arimo gukora n’abo bari kumwe nk’uko bijya bigenda mu bakundana, ubu ko nawe yigiriye muri gahunda ze, kuki wowe utakwisubirira mu buzima bwawe bwa kera wabanagaho n’inshuti zawe, kwishimishanya nazo nka mbere, kwigira mu birori niba na mbere warabikundaga; kujya mu bitaramo by’abahanzi batandukanye, gukina umukino runaka wakundaga n’ibindi byose byajyaga bigushimisha mbere y’uko mukundana ariko ukaza kubireka kugira ngo urusheho kumushimisha.

Iki ni igihe cyo kubisubiramo, ntukomeze kwibabaza, ahubwo ukishyiramo ko uko bimeze kose ubuzima bugomba gukomeza kandi neza, ugasubira muri bwa buzima bwagushimishaga na mbere y’uko muhura…

Iyo watandukanye n’umukunzi wawe, utangira kwibaza no gutekereza abandi bari kumwe, uti ese ubu abo yahisemo bandusha iki, yabakurikiyeho iki se? n’ibindi nk’ibyo… Yego biragoye kwibuza gutekereza kuri ibi byose iyo ukimukunda, ariko niwumva ushaka kubyirinda jya wibuka ko uwo mwanya wawe upfusha ubusa umutekerezaho, utekereza ibyo arimo, we nta n’isegonda afite ryo kugutekerezaho cyane cyane ko aba yibereye mu bindi.


Intambwe ya gatatu: Gerageza kwiyitaho no kwiha umwanya uhagije

Niba uri umugore warakundaga kwisiga, kujya muri salon ukiyitaho, kwambara imyenda myiza, cyangwa igezweho, uri umugabo se warakundaga gukora sport, kwisiga parfum nziza… bikomeze. Wikwisuzugura kuko niba we atakikubona hari n’abandi bakureba, wigarurire icyizere, wumve wongeye kwikunda nyuma yo kubura uwo wakundaga. Subira mu isoko ugure imyenda mishya kandi myiza, ukomeze wiyiteho, uhure n’abandi bantu bashya, umenyane n’inshuti nshya kandi unatemberere ahantu hashya. Niba uri mu kazi ugakore neza kandi nibiba byiza uzanazamuke no mu ntera. Ibyo byose kandi ujye ukora uko ushoboye bimugereho.

Ushobora gukora uko ushoboye ukabonana n’inshuti ze, n’abavandimwe be, n’abo bakorana cyangwa se bigana bitewe n’icyo akora, bityo ntazabasha kwihanganira kutaguhamagara ngo akubaze amakuru. N’ubwo ibyo byose azabikora asa n’utakwitayeho, wowe ntihazagire icyo bigutwara, uzamureke atangazwe no kubona ukuntu ubayeho neza adahari.

Nyuma y’iki gihe cyose, iyo uwo muntu n’ubundi akigukunda, nyuma y’ibyabaye byose, umaze kubona ko byamunananiye kwihangana, atangiye kugenda aguhamagara gake gake (n’ubwo ahanini ntacyo muba muvugana kubera gutinyana), nyuma nibura y’ibyumweru hagati ya bibiri na bitatu, haaaa… aho uzaba ugitsinze… arakugarukiye bidatinze ahubwo tegura gufungura umuryango kuko aje kugusaba imbabazi ngo musubirane!

Ubu noneho byemere y’uko wongeye kumwigarurira kandi ko musubiranye bidatinze!

Ntuzigere na rimwe umwemerera ko bikomeza, akibikubwira ku nshuro ya mbere kuko bimwereka ko wari warihagazeho kandi nawe warashize! Ntuzigere na rimwe uhita uvuga “Yego” n’iyo yaba agusabye amahirwe ya nyuma! Ahubwo musubize ko ukeneye umwanya wo kubitekerezaho.

Related Posts by Categories



0 comments:

Post a Comment